أزي تشتغل وتحقق أعلى عائد فى جلوفو


أزي تشتغل وتحقق أعلى عائد فى جلوفو

أزي تشتغل وتحقق أعلى عائد فى جلوفو



ما هى شركة جلوفو :
جلوفو شركة أسبانية مقرها فى برشلونة أحد مدن أسبانيا الكبيرة . فى عام 2015م تأسست الشركة من قبل أوسكار بيير وساشا ميكود وهى شركة توصيل طلبات للعملاء فى أماكن ومناطق محددة بزون معروف بالتطبيق الخاص بها على الهاتف الذكى [ الموبيل اندرويد ] لكن جلوفو تميزت عن غيرها من شركات التوصيل بخدمة جديدة وهى [ طلب شراء أى شيء من أى مكان عن طريق التطبيق نفسه ] وهذه الميزة ليست فى الشركات الاخرى القاصرة على توصيل الطلبات فقط من العملاء والمحلات الشركاء لها فقط .
الشركة بتوصل طلبات لعدد 40 مدينة فى حوالى 10 دول منها طبعا إسبانيا وايطاليا وفرنسا وغيرها من دول أوربا وأمريكا الجنوبية اللي منها البرازيل .

متى بدأت جلوفو الشغل فى مصر :
بدأت شركة جلوفو الشغل فى جمهورية مصر العربية فى يوم 10 مايو عام 2018 .


أزي تشتغل وتحقق أعلى عائد فى جلوفو


مميزات الشغل فى جلوفو :
من الحاجات المميزة فى شغلك مع جلوفو هي أنك مش بتوصل أكل ودرينك وحلويات بس لا ده كمان ممكن توصل أى حاجة أو تنقل أى حاجة من مكان لمكان بشرط أنها لا تتعدى حجم البوتش اللى بتستلمه من الشركة مع أول شغلك وسوف ياتى الكلام عليه .
حاجة ثانية من مميزات شغلك فى جلوفو وهى أنك مدير نفسك بكل ما تحمله الكلمة من معانى أول حاجة أنت من تختار أيام عملك وكمان تختار ساعات عملك وكمان تختار البريك بتاعك وكمان بتختار أجازاتك .
وكل ده بيكون عن طريق حجز الساعات والايام وهذا عن طريق الابليكيشن الخاص بالجلوفرز ، طبعا ما فى أفضل من هذا العمل .
مع جلوفو وقت مش بيضيع بدون فائدة طبعا بشرط أن تكون فى الزون المحدد لشغلك فلو مفيش أوردارات مطلوب منك توصلها الساعة اللى فاضى فيها جلوفو بتحسبك عليها أظن مفيش أحسن من كده شغلانة .
حاجة تانى جلوفو بتقبضك باليوم وبالاسبوع كمان يعنى جيبك هيكون طول الاسبوع فيه فلوس وأخر الاسبوع بتقبض تانى كمان .

البوتش الخاص بجلوفو :
جلوفو بيكون ليها بوتش أو صندوق مكتوب عليه أسمها عشان تكون مميز وأنت بتوصل الاوردر للعميل .
البوتش ده بتستلمه وثمنه بيتخصم منك على دفعات بسيطه كل اسبوع مش هتحس بيها لانهم بيراعو أنك لسه فى البداية ومحتاج فلوس ومرتب .

وسيلة توصيل طلبات جلوفو :
فى جلوفو ممكن تشتغل بالموتسيكل أو بالعجلة [الدراجة الهوائية] يعنى فى كل الحالات هتشتغل ومش هيكون فى صعوبة للعمل فى جلوفو .

وسيلة القبض فى جلوفو :
فى جلوفو بيتعمل ليك محفظة ذكية لبنك cib  بيها بيتحولك مرتبك الاسبواعى أخر الاسبوع , ده غير الفلوس اللى ممكن تفبضها من الفلوس الكاش اللى بتجمعها معاك اخر كل يوم طبعا ده برسالة ترسل لك على الابليكيشن بالفلوس اللى تقبضها من الكاش اللى معاك .
ميزة تانى في جلوفو مش فى أى شركة تانى هى أنك بتقبض فلوس من غير ما يتحصل منك عمولات ولا أى شيء مادى .

الاوراق المطلوبة لعملك فى جلوفو :
أول حاجة صورة البطاقة الخاصة بك ثانيا فيش باسم شركة جلوفو لو معاك موتسيكل لازم تقدم رخصتك ورخصة الموتسيكل بتاعك .
وحاجه تانى مهمة كمان وهى أن يكون معاك خط تليفون يكون باسمك شخصيا عشان يتعمل ليك بيه محفظة ذكية .
وخلى بالك لازم الرقم بتاعك لا يكون عليه أى خدمات سواء محفظة أو أى خدمة كاش مثلا .

دى طبيعة الشغل بشكل عام فى جلوفو مصر وإن شاء الله بشرح ليكم فى البوست القادم الحاجات اللى موجودة فى الابليكيشن وطريقة أختيار الساعات الخاصة بك يا جلوفر .....










LILSHORT
كاتب ومحرر اخبار اعمل في موقع ALL YOU NEED .

جديد قسم : معلومات تهمك

إرسال تعليق